Miðannarviðtöl

Um miðja önn ræða kennarar einslega við nemendur í þeim áföngum sem þeir kenna.  Í hverju viðtali er nemandinn spurður um kennsluna og námið.  Einnig er farið yfir stöðu nemandans og honum tilkynnt hvort kennari metur stöðu hans óviðunandi, viðunandi eða góða.  Miðannarmatið er skráð í Innu og umsjónarkennarar koma upplýsingunum til foreldra þeirra sem eru yngri en 18 ára.  Niðurstaða miðannarmats er rædd á kennarafundi og aðgerðir gagnvart einstaka nemendum samræmdar.  Fjallað um miðannarmat í hverjum áfanga í uppgjörsskýrslu.