Kynningarfundur vegna skuggakosninga

08.maí.2018

Í morgun stóð ungmennaráð fyrir upplýsingafundi á Nýtorgi vegna komandi sveitarstjórnakosninga sem fara fram 26. maí næstkomandi. Þann dag fara einnig fram svokallaðar skuggakosningar en þá mega ungmenni á aldrinum 13 – 17 ára kjósa sína fulltrúa í næstu sveitarstjórn þó svo að þau atkvæði telji ekki en þær kosningar eiga þó að endurspegla vilja ungmennanna. Skuggakosningar eru haldnar til að vekja áhuga á kosningum en kosningaþátttaka ungs fólks hefur heldur dalað undanfarin ár.
Á fundinum í dag mættu fulltrúar frá þeim þremur framboðum sem bjóða fram í komandi kosningum. Fyrst fengu fulltrúarnir tíma til að kynna sig og sitt framboð og þar á eftir svöruðu þeir spurningum úr sal. Áður en þeir svöruðu voru þeir beðnir um að taka léttar upphitunaræfingar. Hér er hægt að sjá stutt brot af æfingum frambjóðendanna. Krakkarnir höfðu greinilega undirbúið sig vel fyrir fundinn og höfðu fjöldann allan af spurningum fyrir frambjóðendurna.

Takk fyrir frábært framtak ungmennaráð – og vonandi munu allir nýta rétt sinn til að taka þátt í skuggakosningunum.

[modula id=“9755″]

Aðrar fréttir

Útskrift frá FAS

Útskrift frá FAS

Í dag fór fram útskrift frá FAS. Að þessu sinni útskrifast 10 stúdentar og 16 nemendur úr gunnnámi fjallamennsku. Nýstúdentar eru; Almar Páll Lárusson, Amylee Vitoria Da Silva Trindade, Anna Lára Grétarsdóttir, Atli Steinar Siggeirsson, Filip Orzedowski, Guðjón Arnar...

Lokaferð grunnnema í Fjallamennskunámi FAS

Lokaferð grunnnema í Fjallamennskunámi FAS

Síðasti áfangi í grunnnámi Fjalla-FAS, Lokaferð, kláraðist í vikunni. Í þeim áfanga skipuleggja nemendur í sameiningu sína eigin ferð og leiða hana og kennarar eru þeim innan handar. Nemendur fá tækifæri til að sýna fram á þá færni sem þau hafa öðlast í náminu í...

Vetrarleiðangur á Vatnajökli

Vetrarleiðangur á Vatnajökli

Níu annars árs nemendur fóru með þeim Dan Saulite og Ívari F. Finnboga í átta daga vetrarleiðangur á Vatnajökul 15. til 22. maí. Hópurinn fór upp Skáfallsjökul og náði í Grímsvötn á fjórða degi í frábæru veðri. Daginn eftir var brostið á með stormi sem stóð í tvo daga...