Verðandi og fráfarandi forsetar FAS.
Síðasta fimmtudag fóru fram forsetakosningar til nemendafélagsins á næsta skólaári. Tvö teymi buðu sig fram, tvær stelpur og tveir strákar. Á uppskeruhátíðinni á föstudag var síðan kunngert hverjir hlutu kosningu.
Það voru þeir Aðalsteinn og Bjarmi sem urðu hlutskarpari og verða því forsetar nemendafélagsins á næsta ári. Á myndinni má sjá fráfarandi forseta óska Aðalsteini til hamingju sem hér veifar til fylgismanna sinna. Bjarmi gat ekki verið viðstaddur á föstudag.
Við óskum þeim til hamingju og vonum að þeim farnist vel í störfum sínum sem forsetar.
