Körfuboltalið Sindra. Mynd frá Þorvarði Árnasyni.
Það eru margir í FAS sem hafa fylgst með leikjum hjá meistarfaflokki Sindra í körfubolta í vetur. Ástæðan er einföld. Margir í liðinu eru nemendur í FAS núna eða hafa verið í FAS. Liðinu hefur gengið ljómandi vel og hefur unnið hvern leikinn á fætur öðrum.
Síðasta laugardag spilaði liðið sinn mikilvægasta leik til þessa en það var hreinn úrslitaleikur um það hvort liðið kæmist upp í 1. deild en þá lék liðið við KV. Leikurinn var æsispennandi þar sem Sindri hafði þó yfirhöndina allan tímann en gestirnir gerðu hvað þeir gátu til að ná yfirhöndinni. Þegar flautað var til leiksloka var staðan 82:77 Sindra í vil.
Körfuknattleikslið Sindra mun því spila í 1. deild á komandi hausti og við hér í FAS munum örugglega halda áfram að fylgjast með ykkur. Vel gert strákar – til hamingju.
