Notice: Function _load_textdomain_just_in_time was called incorrectly. Translation loading for the modern-events-calendar-lite domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /var/www/virtual/fas.is/htdocs/wp-includes/functions.php on line 6121

Notice: Function _load_textdomain_just_in_time was called incorrectly. Translation loading for the google-analytics-dashboard-for-wp domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /var/www/virtual/fas.is/htdocs/wp-includes/functions.php on line 6121
Klettaklifur í fjallamennskunámi FAS | FAS

Klettaklifur í fjallamennskunámi FAS

06.maí.2024

Dagana 3. – 6. maí fór fram valáfangi í klettaklifri fyrir nemendur í grunnnámi fjallamennsku FAS. Að þessu sinni hittumst við á höfuðborgarsvæðinu og klifruðum á fjölbreyttum svæðum í kringum höfuðborgina en það er skemmtilegt fyrir nemendurna að kynnast fjölbreyttum klifursvæðum um allt land.

Áfanginn hófst í Miðgarði í Garðabæ en þar er frábær aðstaða til að stunda línuklifur innandyra. Þar var farið í leiðsluklifur, fallæfingar og ýmsa línuvinnu sem tengist klifri í fjölspannaleiðum. Á laugardeginum var haldið í Stardal í Mosfellsdal en svæðið má segja að sé paradís dótaklifrarans. Engir boltar eru á svæðinu og því þarf að tryggja allt með hefðbundnum tryggingum, hnetum og vinum. Þar fengu nemendur tækifæri til að leiða fjölspanna klifurleið, setja inn dótatryggingar, tryggja aðra klifrara upp til sín og reyna sig við hinar ýmsu leiðir. Á sunnudeginum héldum við út á Reykjanes í Háabjalla, þar er skjólsælt og gott að klifra og ekki skemmdi fyrir að nemendurnir mættu með grill og pyslur í hádegismat og grilluðu fyrir okkur öll. Svæðið hentar mjög vel fyrir byrjendur og er vel boltað sem gerir það að verkum að leiðsluklifrið er á færi allra. Við enduðum áfangann inni í Klifurhúsinu í Ármúla en þar fórum við yfir klifurtækni og æfingar sem gott er að vinna áfram með. Þökkum kærlega fyrir góðar móttökur þar.

Hópurinn stóð sig með prýði og mörg þeirra halda í lok mánaðarins til Lofoten í Noregi í klifurferð með FAS og eru því mjög spennt fyrir að æfa vel fyrir ferðina.  

Takk fyrir okkur, Dan, Íris og Ívar. 

 

Aðrar fréttir

Staðan í fjallamennskunámi FAS

Staðan í fjallamennskunámi FAS

Nú er ljóst að námi í fjallamennsku í FAS í núverandi mynd er lokið og ekki verða innritaðir nemendur í námið á næstu haustönn. Sagan í tengslum við námið er orðin nokkuð löng og það hefur verið endurskrifað nokkrum sinnum með það fyrir augum að bæta námið og aðlaga...

FAS á Austfirsku Ólympíuleikunum

FAS á Austfirsku Ólympíuleikunum

Fyrir margt löngu var margs konar samstarf á milli framhaldsskólanna á Austulandi. Þar á meðal voru Austfirsku Ólympíuleikarnir þar sem nemendur skólanna hittust og áttu góðar stundir saman í alls konar leikjum. Þessi viðburður lagðist af fyrir mörgum árum en það...

Nemendur bjóða í kaffi

Nemendur bjóða í kaffi

Í morgun var komið að næsta sameiginlega kaffi á Nýtorgi og auðvitað mæltist það vel fyrir í húsinu. Að þessu sinni voru það nemendur sem sáu um veitingarnar en nutu aðstoðar Sigrúnar við að skera niður kökur. Margt var skrafað og allir gengu saddir og sælir frá...