Framhaldsskólabraut

Meginmarkmið framhaldsskólabrautar er að bjóða upp á skilgreind námslok af braut sem undirbýr nemendur fyrir frekara nám og störf. Á brautinni eru nemendur aðstoðaðir við að byggja upp trú á eigin getu og seiglu í námi, auk þess að efla sjálfsmynd og sjálfsskilning. Nemendum eru kynntar mismunandi leiðir í menntakerfinu og þeir aðstoðaðir við að marka sér stefnu í námi og starfi. Nám á brautinni er 90 einingar og tekur 4 annir. Við námslok útskrifast nemendur með framhaldsskólapróf.