Fjölbreytt fræðsla mikilvæg

26.jan.2024

Allir eru sammála um nauðsyn þess að fræða nemendur um alls kyns mikilvæg mál. Og við hér í FAS reynum að koma fræðslu að þegar tækifæri gefst.

í þessari viku fengum við góða gesti til okkar sem áttu heldur betur við okkur erindi. Annars vegar fengum við Kára Sigurðsson og Andreu Marel með fræðslu um sjálfsmynd, samfélagsmiðla og samskipti kynjanna. Þau ræddu bæði við nemendur og starfsfólk og komu víða við. T.d. hvað það er sem hefur áhrif á okkur frá degi til dags, mikilvægi þess að sýna hvert öðru virðingu og virða mörk annarra. Þetta á að sjálfsögðu við bæði í daglegu lífi og netheimum. Þau sýndu okkur mörg dæmi þess þegar stafrænt ofbeldi fer úr böndunum á samfélagsmiðlum og hvaða áhrif það getur haft á einstaklinga.

Í seinni kynningunni var verið að kynna rafíþróttir og það var íþróttafélagið okkar Sindri sem stóð fyrir þessari kynningu. Til okkar komu Aron Ólafsson og Eva Margrét Guðnadóttir frá RÍSÍ (Rafíþróttasamband Íslands). Með þeim voru fulltrúar frá rafíþróttadeildinni hér á Höfn. Þau fjölluðu í kynningu sinni um jákvæða upplifun af tölvuleikjaspilun, hvernig samfélög geta stuðlað að jákvæðari upplifun og hvernig æskilegt sé að spila leiki á agaðan en um leið skemmtilegan hátt. Rafíþróttadeildin hér á Höfn starfar undir merkjum Sindra og þar er starfsemin vaxandi og mikil áhersla lögð á gagnkvæma virðingu og íþróttamannslega hegðun.

Við þökkum gestunum fyrir góða og mikilvæga fræðslu.

 

Aðrar fréttir

Snjóflóðafræði og leiðsögn

Snjóflóðafræði og leiðsögn

Tíu nemendur í framhaldsnámi Fjallamennskunáms FAS lögðu leið sína norður í land til Dalvíkur dagana 2.- 6. febrúar. Eins og á flestum námskeiðum FAS, stýrði veður för en engu að síður fékk hópurinn frábærar lærdómsaðstæður og komst á fjöll alla dagana. Að auki gafst...

Snjóflóðagrunnur og skíðamennska

Snjóflóðagrunnur og skíðamennska

Nemendur í grunnnámi Fjallamennskunáms FAS lögðu leið sína norður í land til Dalvíkur dagana 2. - 6. febrúar. Þar var á dagskrá að skíða saman og læra allt sem hægt er að læra um snjóflóð á fimm dögum. Fyrirlestrar og innikennsla fóru fram í Menntaskólanum á...

Miðannarsamtöl framundan

Miðannarsamtöl framundan

Öll erum við farin að taka eftir því að sól er farin að hækka á lofti sem segir okkur að það sé farið að styttast í vorið. Og áfram flýgur tíminn í skólanum. Þessa vikuna eru flestir kennarar með ýmis konar stöðumat og munu í framhaldinu setja miðannarmat í Innu. Því...